Պատերազմ` կրիմինալին. հարյուրից ավելի քրեական հեղինակություն է տարվել ոստիկանություն

Ոստիկանության Երեւանի տարբեր բաժանմունքներ մարտի 15-ի երեկոյան շուրջ 120 թաղային հեղինակություններ և քրեական դեմքեր են տարվել: Այս մասին գրում է NEWS.am-ը: Եղել են նաեւ խուզարկվողներ, որոնց մոտ հայտնաբերվել է թմրանյութ և սառը զենք:

Ոստիկանության լրատվական ծառայությունից Yerkir.am-ին հայտնեցին, որ որևէ արտառոց բան չկա, քանի որ ոստիկանությունը նման միջոցառումներ մշտապես իրականացնում է:

Հիշեցնենք, որ օրեր առաջ ՀՀ ոստիկանապետ Վլադիմիր Գասպարյանը հայտարարել էր, որ ոստիկանությունը պատերազմ է հայտարարում կրիմինալին: «Համակարգից դուրս են հանվում մարդիկ, ովքեր ինֆորմացիա են տալիս կրիմինալին»,- նշել էր նա՝ հավանաբար նկատի ունենալով վերջերս ոստիկանությունում բարձրաստիճան պաշտոնյաների պաշտոնանկության պատճառները: