Ռուսական դաշնային հեռուստաալիքները չեն լուսաբանել երեխայի դաժան սպանությունը

ՌԴ նախագահի մամուլի քարտուղար Դմիտրի Պեսկովը հայտարարել է, որ սատարում է ռուսական դաշնային հեռուստաընկերությունների որոշմանը՝ եթերում չպատմել Մոսկվայում ուզբեկ դայակի կողմից երեխայի դաժան սպանության մասին. հայտնում է Коммерсантъ-ը:

Նա հերքել է տեղեկություններն այն մասին, թե իշխանությունները հեռուստաընկերություններին խորհուրդ են տվել չպատմել աղմկահարույց դեպքի մասին:

«Այդպես չէ։ Այդ հեռուստաընկերություններն ինքները ցույց չեն տվել խելագարներին։ Եվ մենք նրանց աջակցում ենք»,- ասել է նա:

Ռուսական Առաջին ալիքի, России-1-ի, НТВ-ի և ТВЦ-ի եթերում լռել են այս հանցագործության մասին։ 

РБК-ի տվյալներով՝ հեռուստաընկերությունների երկու աշխատակիցներ հայտնել են, որ իրենց խորհուրդ են տվել երեխայի սպանության մասին նյութը ցույց չտալ եթերում. իշխանությունները վախեցել են ուշադրություն հրավիրել ազգային հարցի վրա: