ԲՀԿ-ն եւ ՕԵԿ-ը ազատ են քվեարկության հարցում, ՀՅԴ-ն, ՀՀԿ-ն՝ կողմ

Ազգային ժողովում ավարտվեց ՄԻՊ թեկնածուի ընտրության հարցի քննարկումը: ԲՀԿ խմբակցության ղեկավար Նաիրա Զոհրաբյանը հայտարարեց, որ իրենց խմբակցությունում ազատ քվեարկություն է` ամեն մեկն ինքն է որոշելու` ինչպես քվեարկել:

ՕԵԿ-ը հայտարարեց, որ իրենց խմբակցության անդամները նույնպես ազատ են քվեարկելու:

ՀԱԿ խմբակցության ղեկավար Լևոն Զուրաբյանը տեղեկացրեց, որ իրենք չեն մասնակցի քվեարկությանը:

Իսկ ՀՀԿ և ՀՅԴ խմբակցությունները կողմ են քվեարկելու Արման Թաթոյանի թեկնածությանը:

«Ժառանգություն» խմբակցությունում, ինչպես միշտ, միաձայն չեն: Խմբակցության պատգամավոր Ալեքսանդր Արզումանյանը հայտարարեց, որ կողմ կքվեարկի, իսկ Զարուհի Փոստանջյանը կտրականապես դեմ է Թաթոյանի թեկնածությանը: 

Իշխանության թեկնածուի օգտին կողմ քվեարկելու մասին է հայտարարել նաև ԱԺ ՀԱԿ խմբակցության պատգամավոր Նիկոլ Փաշինյանը:

Տեղեկացնենք, որ այս պահին քվեարկությունն արդեն մեկնարկել է: