ԲՀԿ-ում կրկին ներքին գզվռտոցներ են. Վահան Բաբայանը լքում է պաշտոնը

ԱԺ պատգամավոր Վահան Բաբայանն այսուհետ «Բարգավաճ Հայաստան» կուսակցության մամուլի խոսնակը չէ: Նա լրագրողների հետ զրույցում հայտարարեց, որ սեփական դիմումի համաձայն է հրաժարվել ԲՀԿ մամուլի խոսնակի պարտականություններից: «Դա իմ անձնական որոշումն է, այլ բան չեմ կարող ասել»,- նշեց Բաբայանը` հավելելով, որ նոր մամուլի խոսնակ կլինի, նրանից էլ լրագրողները կարող են ամեն ինչ ճշտել:

Հարցին, թե այդ որոշումն արդյո՞ք պայմանավորված է ԲՀԿ ղեկավար Նաիրա Զոհրաբյանի հետ ունեցած տարաձայնություններով, նա պատասխանեց, որ չի մեկնաբանում: Բաբայանը խոստացավ հետո բացել փակագծերը, իսկ մինչ այդ չցանկացավ այլ հարցերի պատասխանել:

Նշենք, որ ԱԺ-ում ակտիվորեն լուրեր են շրջանառվում, որ ԲՀԿ-ում կրքեր են բորբոքվել` ՀՀԿ-ի հետ կոալիցիա չկազմելու մեղավորներին են փնտրում: