Ընտրական օրենսգրքի նախագիծը կուղարկվի Վենետիկի հանձնաժողով

ԵԱՀԿ հայաստանյան գրասենյակը կազմակերպում է քննարկում ընտրական օրենսգրքի շուրջ, որին հրավիրվելու են մի քանի միջազգային փորձագետներ: Այս մասին այսօր լրագրողների հետ զրույցում ասաց ԱԺ աշխատակազմի ղեկավար Հրայր Թովմասյանը: Նրա խոսքով՝ կքննարկվեն, մասնավորապես, էլեկտրոնային քննարկման մեխանիզմները, թե ինչպես պետք է ճիշտ ներդնել այդ համակարգերը, և թե ինչ հետևանքներ կլինեն ոչ ճիշտ ներդրման դեպքում:

Թովմասյանը նշեց, որ նոր ընտրական օրենսգիրքը մշակվում է հիմնականում արդարադատության նախարարությունում: «Ամենայն հավանականությամբ, մարտի առաջին շաբաթում որոշակիորեն հրապարակայնացված նախագիծ կունենանք: Դրան կնախորդեն պառլամենտական լսումներ, հասարակական կազմակերպությունների հետ քննարկումներ: Նախագիծը նաև Վենետիկի հանձնաժողով կուղարկվի»,- ասաց նա: