Սահակաշվիլին Ավակովին վարչապետի պաշտոն է առաջարկել

Ուկրաինայի ՆԳՆ ղեկավար Արսեն Ավակովը Зеркало недели-ի հետ զրույցում պատմել է, որ Օդեսայի նահանգապետ Միխեիլ Սահակաշվիլին մինչև իրենց հրապարակային կոնֆլիկտը իրեն քաղաքական համագործակցություն է առաջարկել:

«Սահակաշվիլին մի քանի օր առաջ` նախքան ինձ հրապարակայնորեն գող անվանելը և ջրով բաժակով «հյուրասիրվելը», նստած էր իմ աշխատասենյակում և առաջարկում էր պայմանավորվել` ես լինեմ վարչապետ, իսկ ինքը` առաջին փոխվարչապետ։ Ես հարցրի` ինչո՞ւ: Իսկ նա պատասխանեց. «Ես կարծում եմ, որ վարչապետ պետք է լինի Ազգային ճակատի ներկայացուցիչ։ Կա\'մ Տուրչինովը, կա\'մ դու, չէ՞ որ դու ամենահաջողակ նախարարն ես»»,- պատմել է Ավակովը:

Նրա խոսքերով՝ Սահակաշվիլին, ըստ էության, արդեն ընդդիմություն է Պորոշենկոյին և մտադիր է գլխավորել քաղաքական բլոկ: