Ֆելիքս Ցոլակյանն ու Սարգիս Սահակյանը խոսել են իրենց` հնարավոր պաշտոնանկության մասին

Այս պահին նախագահական նստավայրում է գտնվում քաղաքական ամբողջ էլիտան: Ժամանում են բոլոր նախարարները, փոխնախարարները, մարզպետերը, ուժային կառույցների ներկայացուցիչները:

Լրագրողները հարց են ուղղել Արագածոտնի մարզպետ Սարգսիս Սահակյանին իր պաշտոնանկության վերաբերյալ: Նա պատասխանել է, որ տեղյակ չէ, և որ ամեն բան պարզ կլինի ժամեր անց`  նախագահի հետ հանդիպումից հետո:

Լրագրողները նաև հարց են ուղղել Շիրակի մարզպետ Ֆելիքս Ցոլակյանին: Նա նույնպես պատասխանել է, որ տեղյակ չէ: Հարցին` զիջելո՞ւ է իր պաշտոնը ՀՅԴ-ին, Շիրակի մարզպետը պատասխանել է. «Երբ լինի քաղաքական որոշում, այդ ժամանակ կխոսենք: Ես տեղյակ եմ նման լուրերին մամուլի հրապարակումներից»: