Միասնականությունը միշտ էլ բերում է դրական ազդեցության. Արամայիս Գրիգորյան

ՀՀ բնապահպանության նախարար Արամայիս Գրիգորյանն այսօր` կառավարության նիստի ավարտից հետո, Yerkir.am-ի հետ զրույցում հայտարարեց, որ ՀՀԿ-ՀՅԴ համագործակցությունը միայն դրական ազդեցություն կարող է ունենալ մեր երկրի զարգացման վրա:

«Բնականաբար, նման կոալիցիաները միշտ էլ դրական ազդեցություն են ունենում: Ես ողջունում եմ, որ ստեղծվում է նման կոալիցիա, շատ բարենպաստ իրավիճակ է ստեղծվում, որպեսզի մենք հետագայում կարողանանք լիարժեք համագործակցել: Միասնականությունը միշտ էլ բերում է դրական ազդեցության»,- ասաց նա:

Հարցին, թե միասնականությունը կարո՞ղ է պետության խնդիրները լուծել, Գրիգորյանը պատասխանեց, որ համագործակցությունը, միասնական ուժերով առաջնորդվելը շատ ավելի խելացի կերպով են լուծում հարցերը: