Գուցե Ղարաբաղի հարցն էլ լուծվեր. մեջլիսի հայ պատգամավորը՝ հայ-թուրքական սահմանի փակ լինելու մասին

Թուրքիայում քրդամետ Ժողովուրդների դեմոկրատական կուսակցությունից հայ պատգամավոր Կարո Փայլանը խորհրդարանում մեծ առևտրային կենտրոնների քանակի ավելացման և բյուջեի քննարկումների ժամանակ անդրադարձել է նաև հայ-թուրքական սահմանի փակ լինելուն:

Ըստ Konhaber-ի՝ Փայլանը նշել է, որ սահմանի բաց լինելու դեպքում Հայաստանն իր առևտրի մեծ մասը Թուրքիայի հետ կաներ:

«23 տարի է՝ Հայաստանի հետ սահմանը փակ է: Հիմնավորումը Ղարաբաղն է: Եթե սահմանը բաց լիներ, Հայաստանն իր առևտրի երեք չորրորդը Թուրքիայի հետ կիրականացներ: Մարդիկ կգային-կգնային, հարաբերությունները կզարգանային: Գուցե, այդպիսով, Ղարաբաղի հարցն էլ լուծվեր: Երկու կողմերն էլ կարող էին այդ հարաբերությունները զարգացնել, և խնդիրները կլուծվեին»,- ասել է պատգամավորը: