ՌԴ-ում սպանված հայ գործարարին հայրենիք կտեղափոխեն վաղը

Արդեն հայտնել ենք, որ ՌԴ Լենինգրադի մարզի Շլիսելբուրգ քաղաքի ավտոսպասարկման կետերից մեկում հունվարի 31-ին փոխհրաձգություն է տեղի ունեցել, ինչի հետևանքով ՀՀ  քաղաքացի երկու գործարարներ են մահացել: Նախնական վարկածով՝ կոնֆլիկտի պատճառ են դարձել գումարային խնդիրները: Մահացածներից մեկը` 1956 թվականին ծնված Հրայր Վարդանյանը,  Լոռու մարզի Կաթնաջուր գյուղից էր:

Yerkir.am-ին Կաթնաջուրի գյուղապետ Արմեն Պապոյանը պատմեց, որ մահացածի ընտանիքը մշտապես մեկնել է արտագնա աշխատանքի` ՌԴ: «Հա\'մ առևտրով էին զբաղվում, հա\'մ էլ շինարարությամբ: Երեք տղա ուներ ու կին: Կինն այդ ժամանակ այնտեղ չի եղել: Նորմալ ընտանիք է, աշխատող մարդիկ են: Հրայրի սպանության մասով կարող եմ ասել, որ պատահականություն է»,- ասաց գյուղապետը:

Նա նշեց նաև, որ Հրայր Վարդանյանին, ամենայն հավանականությամբ, ՀՀ կտեղափոխեն վաղը: