Գյումրու ռուսական ռազմաբազայի հարբած զինծառայողը թակել է առաջին դուռն ու...

Գյումրիի Անիի թաղամասում արտառոց դեպք է տեղի ունեցել: Կեսգիշերին մոտ ռուսական ռազմաբազայից մի զինծառայող է փորձել ներխուժել բնակարաններից մեկը: Հարբած զինծառայողը եկել է այդ բնակարանի դռան մոտ, թակել է դուռը: Բնակարանում գտնվողները շփոթության մեջ են ընկել: Yerkir.am-ին դեպքի հետ կապված որոշ մանրամասներ են հայտնի դարձել: Զինծառայողը, նախքան վերոնշյալ բնակարան գնալը, խնջույքի է մասնակցել, որտեղ բավականին շատ ոգելից խմիչք է օգտագործել: Զինծառայողը ցանկացել է վերադառնալ զորամաս, մինչդեռ վերադարձի ճանապարհին նրան տաքսի չի հանդիպել: Սրանից հետո նա փորձել է վերադառնալ այնտեղ, որտեղ խնջույքի էր մասնակցել, սակայն, շփոթմամբ գնացել է ուրիշի տուն: Այս միջադեպը մեծ աղմուկ է բարձրացրել՝ Պերմյակովի ոճրագործության ֆոնին:
Ոստիկանության հասարակայնության հետ կապերի բաժնից հայտնեցին, որ ահազանգ ստացվել է, հանգամանքները պարզվում են: