Թուրքական «Գորշ գայլեր»-ը կարող են կանգնած լինել A321-ում ահաբեկչության հետևում. Коммерсантъ

Եգիպտոսում Airbus A321 օդանավում ահաբեկչություն կազմակերպելու հետ կարող են կապ ունենալ «Գորշ գայլեր» թուրքական ազգայնամոլ խմբավորման գրոհայինները։ Այս մասին հայտնում է Коммерсантъ-ը՝ վկայակոչելով ռուսական հատուկ ծառայություններում իր աղբյուրները։

Պարբերականը նշում է, որ «Իսլամական պետության» հետ կապ ունեցող «Գորշ գայլեր»-ը Եգիպտոսում գործում են 1960-ականների վերջից։ Կասկածներ կան, որ հենց «Գորշ գայլեր»-ը, մասնավորապես` Ալփարսլան Չելիքն է սպանել ռուսական Սու-24 կործանիչի օդաչուին այն բանից հետո, երբ օդանավը նոյեմբերի 24-ին խոցվել էր թուրքական օդուժի կողմից։

 Հիշեցնենք, որ հունվարի 29-ին Reuters-ը հայտնել էր, որ ԻՊ-ը օդանավը պայթեցրել է EgyptAir-ի մեխանիկի օգնությամբ, որը ջիհադականներից մեկի եղբայրն է։