Հայաստանն ու Արաբական Միացյալ Էմիրությունները համաձայնագիր կկնքեն ահաբեկչության դեմ պայքարի մասին

Կառավարության վաղվա օրակարգում ոստիկանությունը որոշում է ներկայացրել՝ համաձայնություն տալ ՀՀ կառավարության և Արաբական Միացյալ Էմիրությունների կառավարության միջև «Անվտանգության բնագավառում համագործակցության և ահաբեկչության դեմ պայքարի մասին» համաձայնագրի կնքման առաջարկությանը:

Ցանկանալով զարգացնել բարեկամության և համագործակցության կապերը և նպաստել անվտանգության և հանցավորության դեմ պայքարի ոլորտներում համագործակցության բարձրացմանը, գիտակցելով միջազգային ահաբեկչության, կազմակերպված հանցավորության և հանցագործության այլ ձևերի վտանգավոր ազդեցությունը, որը սպառնում է երկու երկրների հանրային անվտանգությանը, հաշվի առնելով իրենց համապատասխան ազգային օրենսդրությունը և միջազգային պարտավորությունները, որոնք պարտադիր են երկու կողմերի համար,կնքվում է համաձայնագիր «Անվտանգության բնագավառում համագործակցության և ահաբեկչության դեմ պայքարի մասին»: