Հայաստանում լաբորատորիաների ցանցի ստեղծման ժամկետը կերկարաձգվի

Կառավարության վաղվա նիստի օրակարգում ընդգրկված է որոշում` ՀՀ սննդամթերքի անվտանգության համակարգի զարգացման ռազմավարության կատարումը երկարաձգել մինչև 2016 թվականի նոյեմբերը:

Մինչ այս նախատեսվում էր մինչև 2015 թվականի դեկտեմբերի 3-րդ տասնօրյակը լաբորատոր աշխատանքի որակի բարելավում և լաբորատորիաների ցանց ստեղծելու համար կարիքների բացահայտում և մեխանիզմների մշակում իրականացնել: Սակայն հաշվի առնելով մինչ այժմ համապատասխան ֆինանսավորման բացակայությունը, ինչպես նաև ԵՏՄ օրենսդրությամբ լաբորատոր կարիքների նկատմամբ  դեռևս հստակ սահմանված պահանջների բացակայությունը,  լաբորատոր աշխատանքի որակի բարելավում և լաբորատորիաների ցանց ստեղծելու համար կարիքների բացահայտում և մեխանիզմների մշակում չէր կարող իրականացվել:

Նախագծով առաջարկվում է երկարաձգել  լաբորատոր աշխատանքի որակի բարելավման և լաբորատորիաների ցանցի ստեղծման համար կարիքների բացահայտման և մեխանիզմների մշակման ժամկետը: