Շուշանիկ Բախշյանին մեղադրանք առաջադրվեց

Բժշկական օգնություն և սպասարկում իրականացնելիս իր մասնագիտական պարտականությունները ոչ պատշաճ կատարելու և դրա հետևանքով անզգուշությամբ մահ պատճառելու կասկածանքով հունվարի 22-ին ձերբակալված, սակայն դատարանի որոշմամբ ազատ արձակված` «Շենգավիթ» բժշկական կենտրոնի բժշկուհի Շուշանիկ Բախշյանի Բախշյանին քիչ առաջ մեղադրանք է առաջադրվել ՀՀ քրեական օրենսգրքի 130-րդ հոդվածի 2-րդ մասով: Այս մասին yerkir.am-ին հայտնեցին ՀՀ քննչական կոմիտեից:

Նշենք նաև, որ նախաքննական մարմինը Շուշանիկ Բախշյանի նկատմամբ դատաբժշկական փորձաքննություն է նշանակել՝ պարզելու` նա առողջական խնդիրներ ունի՞, թե՞ ոչ:

Ավելի վաղ հայտնել էինք, որ Կենտրոն եւ Նորք-Մարաշ վարչական շրջանների ընդհանուր իրավասության դատարանը հունվարի 23-ին պարտավորեցրել էր քննիչին` ազատ արձակել ձերբակալված Շուշանիկ Բախշյանին, ինչից հետո նրան շտապօգնության բրիգադով տեղափոխել էին Նորքի ինֆեկցիոն հիվանդանոց: «Նորք» ինֆեկցիոն կլինիկական հիվանդանոցի տնօրեն Արա Ասոյանի խոսքով՝ Բախշյանի մոտ գրիպ է ախտորոշվել, և նա մի քանի օր պետք է հիվանդանոցային բուժում ստանա:

Հիշեցնենք, որ դեպքի առթիվ օգոստոսի 3-ին հարուցվել է քրեական գործ` ՀՀ քրեական օրենսգրքի 130-րդ հոդվածի 2-րդ մասի հատկանիշներով: