Երբ կարող է հայտարարվել համաճարակ

Համաճարակ կարող է հայտարարվել այն դեպքում, երբ հիվանդների թիվը գերազանցի վերջին հինգ տարիների կտրվածքով սուր շնչառական հիվանդների թվին: Այդ մասին  «Ազատություն» ռադիոկայանի Facebook-յան ասուլիսի ընթացքում ասաց ԱՆ բուժօգնության քաղաքականության վարչության պետ Ծաղիկ Վարդանյանը:

«Համաճարակը հիվանդների քանակի վրա է հիմնվում, ոչ թե բարդության աստիճանի կամ գրանցված մահերի քանակի վրա: Իհարկե, դրանք ևս հաշվառվում են, բայց դրանք համաճարակ հայտարարելու պատճառ չեն, կան հատուկ հաշվարկներ: Չկա մի բան, որ չի արվում միայն այն պատճառով, որ չի հայտարարվել համաճարակ: Համաճարակի ժամանակ պարզապես մասսայական միջոցառումներ չեն իրականացվում»,-ասաց նա: