2016-ին 420 երիտասարդ մատչելի բնակարան գնելու հնարավորություն կունենա

Մի քանի ամիս անց Ավանում շահագործման կհանձնվի «Երիտասարդներին` մատչելի բնակարան» պետական ծրագրի ամենամեծ համալիրը. լրագրողներին հայտնեց ՀՀ սպորտի և երիտասարդության հարցերի նախարարի տեղակալ Արսեն Քարամյանը:

Նա տեղեկացրեց, որ համալիրը կներառի 500 բնակարան: Բացի այդ` ընթացիկ տարում ևս երկու շենք կկառուցվի երիտասարդների համար:

«Համալիրներից մեկը կլինի Ավան 5 հասցեում, որը կներառի 140 բնակարան, իսկ տարվա կեսերից կմեկնարկեն Զեյթուն 3 հասցեում շենքերի կառուցման աշխատանքները: Երկու համալիրներում էլ կտրամադրվեն բնակարաններ նրանց, ովքեր դուրս են մնացել մեր նախորդ ծրագրերից` մանկավարժներին, դասախոսներին, բժիշկներին, բանկային համակարգում աշխատողներին»,- ասաց Քարամյանը:

Նա տեղեկացրեց նաև, որ Ավան 5 հասցեում կառուցվող շենքերի բոլոր բնակարաններն արդեն տերեր ունեն, իսկ Զեյթուն 3-ում կառուցվող շենքերի համար հայտերի հավաքագրումը մոտակա օրերին կլինի: