«Թեժ գիծ» ծառայությունը տոնական օրերին կաշխատի 24-ժամյա աշխատակարգով

ՀՀ առողջապահության նախարարության «թեժ գիծ» ծառայությունը տոնական օրերին կշարունակի աշխատել 24-ժամյա աշխատակարգով: Քաղաքացիները, ինչպես նաև բժշկական կազմակերպություններն առողջապահական իրավունքներին առնչվող ցանկացած հարցով կարող են զանգահարել (010) 52-88-72 հեռախոսահամարով: 

 Նշենք, որ ՀՀ առողջապահության նախարարի հրամանով տոների ընթացքում` 2015 թվականի դեկտեմբերի 31-ից մինչև 2016 թվականի հունվարի 10-ը, նախարարությունում նախատեսվում է իրականացնել հերթապահություններ` որպես պատասխանատուներ ընդգրկելով նախարարի տեղակալներին և վարչությունների պետերին: 

 Նշված ժամանակահատվածում քաղաքացիների բժշկական օգնությունն ու սպասարկումը պատշաճ ապահովելու նպատակով ուժեղացված հերթապահություններ են իրականացվելու նաև Հայաստանի Հանրապետության պետական պատվեր իրականացնող բոլոր հիվանդանոցային բժշկական կազմակերպություններում: