Մեկնարկում է վոլեյբոլի Հայաստանի գավաթի խաղարկությունը

Դեկտեմբերի 11-ին կմեկնարկի վոլեյբոլի Հայաստանի կանանց և տղամարդկանց գավաթի խաղարկությունը: Տղամարդկանց պայքարում կմրցեն 6 թիմեր՝ ՖԻՄԱ, «Ստեփանակերտ», «Դինամո Նոր-նորք», «Արաբկիր», «Բժշկական համալսարան» և «Գյումրի»: Թիմերը կբաժանվեն երկու ենթախմբի: Գավաթի խաղարկության վերջին օրը գավաթի համար կմրցեն ենթախմբերի առաջատարները:

Աղջիկների գավաթի խաղարկությանը կմասնակցեն 4 թիմ՝«Նժդեհ», «Սյունիք», «Վան» և «Տնտեսագիտական համալսարան», իսկ հաղթողը կորոշվի շրջանաձև համակարգով: «Գավաթի խաղարկությունն անցկացնում ենք ավելի շատ վոլեյբոլիստներիի զբաղվածություն ապահովելու համար: Խաղարկությունը կարևոր է նաև նոր մրցաշրջանին նախապատրաստվելու համար»,-ՀԱՕԿ լրատվականի հետ զրույցում ասել է Կարեն Ասմարյանը:

 Գավաթի խաղարկությունը կավարտվի  դեկտեմբերի 13-ին: