Առանց տեղումների եղանակը կվայելենք ևս երկու օր

Առանց տեղումների եղանակը կպահպանվի մինչ նոյեմբերի 29-ի առաջին կեսը: Այս մասին լրագրողներին հայտնեց ՀՀ ՏԿԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը:

Ըստ նրա` առաջիկա օրերին կլինի փոփոխական ամպամածություն, սակայն տեղումներ չեն սպասվում, տեղումներ կլինեն նոյեմբերի 29-ի երկրորդ կեսից: «Լեռնային գոտիներում տեղումները կլինեն ձյան տեսքով, իսկ ոչ լեռնային` անձրևի: Տեղումները կպահպանվեն մինչև նոյեմբերի 30-ը: Դեկտեմբերի 1-ին կլինի առանց տեղումների եղանակ»,- ասաց Սուրենյանը:

Նրա հավաստմամբ` առաջիկա 5-7 օրերի ընթացքում ջերմաստիճանի էական փոփոխություններ չեն սպասվում: