Թուրքիան ոչ մի երկրի նկատմամբ թշնամանք չունի, այդ թվում՝ իր հարևանների. Էրդողան

Բոլորը պարտավոր են հարգել Թուրքիայի՝ իր սահմանները պաշտպանելու իրավունքը. ռուսական ինքնաթիռի խոցման կապակցությամբ նման հայտարարությամբ է հանդես եկել Թուրքիայի նախագահ Ռեջեփ Թայիփ Էրդողանը ուսուցիչների օրվա կապակցությամբ ընդունելության ժամանակ:

Ըստ AA-ի՝ նա կրկնել  է, թե ինքնաթիռը խոցվել է «5 րոպեում 10 անգամ զգուշացնելուց հետո»: «Դրանից հետո միայն մեր F16-երը խոցել են ինքնաթիռը: Երկուսից՝ մեկը»,- ասել է Էրդողանը, ինչից հետո ներկաները սկսել են ծափահարել:

«Այս ամենը ծափահարության համար չէ, մենք չենք ցանկանում ականատես լինել նման երևույթների, սակայն, ավաղ, կրում ենք նման իրավիճակների տառապանքը, որի դեմ են մեզ կանգնեցնում: Թուրքիան ոչ մի երկրի նկատմամբ թշնամանք չունի, այդ թվում՝ իր հարևանների»,- հավելել է Թուրքիայի նախագահը: