Թուրքիան ցույց տվեց, որ պաշտպանում է ԻՊ-ին. Մեդվեդև

ՌԴ վարչապետ Դմիտրի Մեդվեդևը հայտարարել է, որ Անկարան պաշտպանում է «Իսլամական պետություն» ծայրահեղական խմբավորմանը. հայտնում է Лента.ру-ն:

Մեդվեդևի խոսքերով` տվյալներ կան, որոնք վկայում են այդ կազմակերպությունից նավթամթերքի մատակարարման գործում մի շարք թուրք պաշտոնատար անձանց շահագրգռվածության մասին:

«Թուրքական իշխանությունների անմիտ հանցավոր գործողությունները` ինքնաթիռը խոցելը, հանգեցրեցին երեք հետևանքի: Մասնավորապես` Թուրքիան ցույց տվեց, որ պաշտպանում է ԻՊ-ին»,- հավելել է վարչապետը։

Ըստ նրա` երկրորդ հետեւանքն է, որ ՌԴ-ի և ՆԱՏՕ-ի միջև հարաբերությունները սրվել են Թուրքիայի պատճառով:

«Բացի այդ` վտանգվել են բարիդրացիական հարաբերությունները Ռուսաստանի և Թուրքիայի միջև, այդ թվում` տնտեսական ու հումանիտար ոլորտներում»,- ասել է Մեդվեդևը: