«Շիրակ»-ն ընկերական հանդիպում կանցկացի «Լոս Անջելես Գելաքսի»-ի հետ

Նախապատրաստվելով Հայաստանի բարձրագույն խմբի առաջնության գարնանային մրցափուլին` Գյումրիի «Շիրակ»-ը 2016թ. առաջին ստուգողական հանդիպումը կանցկացնի հունվարի  30-ին՝ իր պատմության մեջ երկրորդ անգամ մրցելով ԱՄՆ-ի ամենահեղինակավոր թիմերից մեկի՝ «ԼԱ Գելաքսիի» հետ։  Այս մասին տեղեկացնում է հայկական ակումբի պաշտոնական կայքը: Հանդիպումը տեղի կունենա Կալիֆորնիայի «ՍտաբՀաբ» կենտրոնում,      հունվարի  31-ին, Երևանի ժամանակով առավոտյան ժամը 07:00-ին։

 Հիշեցնենք, որ նախորդ հանդիպումը կայացել էր 2014թ. փետրվարի 8-ին։ Այդ ժամանակ ավելի ուժեղ գտնվեցին տանտերերը և հաղթեցին 2:1 հաշվով։ «Շիրակ»-ի կազմում միակ գոլի հեղինակ էր դարձել իվուարցի հարձակվող Սերժ Դեբլեն։ Այդ հանդիպմանը ներկա էին ավելի քան 13000 հանդիսատես, որոնցից 10000-ը՝ հայ երկրպագուներ։