Ավարտվել է մարմնամարզության Հայաստանի երիտասարդական առաջնությունը

Երևանի Ալբերտ Ազարյանի անվան մարմնամարզության մարզադպորցում ավարտվեց, նոյեմբերի 17-ին մեկնարկած, սպորտային մարզմնամարզության Հայաստանի երիտասարդական առաջնությունը։

Բազմամարտում Հայաստանի երիտասարդական առաջնության ոսկե մեդալ է նվաճել Արթուր Ավետիսյանը (77.162 միավոր):  Ազատ վարժությունում հաղթող է դարձել Գագիկ Խաչիկյանը: Նժույգ թափեր վարժությունում Հայաստանի չեմպիոն է դարձել  Հայկ Նազարյանը: Օղակների վարժության և հենացատկի ոսկե մեդալը նվաճել է Արթուր Ավետիսյանը: Զուգափայտերի վարժությունում հաղթող է ճանաչվել Էրիկ Բաղդասարյանը: Պտտաձողի վարժությունում Հայաստանի առաջնության լավագույն արդյունքը ցուցադրել է Ժորա Սմբատյանը:

Սպորտային մարմնամարզության կանանց Հայաստանի երիտասարդական առաջնության բազմամարտի  չեմպիոն է դարձել Աննա Գրիգորյանը (46.15 միավոր)։ Առանձին գործիքների վարժություններում հաղթողներ են ճանաչվել` Աննա Գրիգորյանը (հենացատկ և զուգափայտ), Ելենա Հայկազնունին (հավասարակշռության գերան) և Գայանե Աիրականյանը (ազատ վարժություններ): Այս մասին հաղորդում է ՀԱՕԿ պաշտոնական կայքը:

Մարզմնամարզության Հայաստանի երիտասարդական առաջնությունն անցկացվել է նոյեմբերի 17-18-ը, Երևանի Ալբերտ Ազարյանի անվան մարմնամարզության մարզադպորցում: Առաջնությանը մասնակցել է ավելի քան 40 մարմնամարզիկ: