Մեկնարկեց Սուրիկ Խաչատրյանի տան մոտ տեղի ունեցած միջադեպի գործով վերաքննիչ բողոքի քննությունը

ՀՀ վերաքննիչ քրեական դատարանու,՝ դատավոր Մխիթար Պապոյանի նախագահությամբ, մեկնարկեց  2013-ի հունիսին Սյունիքի մարզպետ Սուրիկ Խաչատրյանի տան մոտ տեղի ունեցած միջադեպի գործով վերաքննիչ բողոքի քննությունը:

Հիշեցնենք, որ Սյունիքի մարզի ընդհանուր իրավասության դատարանի դատավոր Նապոլեոն Օհանյանի վճռով Արտակ Բուդաղյանը մեղավոր էր ճանաչվել  ՀՀ քրեական օրենսգրքի 137 հոդվածի 1-ին մասով նախատեսված հանցագործության կատարման մեջ և նրա նկատմամբ, որպես պատիժ, նշանակել էր տուգանք`  120.000 ՀՀ դրամի չափով, որը, սակայն, համաներման ակտով չէր կիրառվել:

ՀՀ վերաքննիչ քրեական դատարանում Արտակ Բուդաղյանի պաշտպան Հայկ Ալումյանը պահանջում է  ամբողջությամբ բեկանել ՀՀ Սյունիքի մարզի ընդհանուր իրավասության դատարանի` Արտակ  Բուդաղյանի նկատմամբ կայացրած դատավճիռը և  Բուդաղյանին  իրեն առաջադրված մեղադրանքում ճանաչել անմեղ ու արդարացնել:

Հայկ Ալումյանի խոսքով՝  այս գործն իրենց համար սկզբունքային նշանակություն ունի: