Երեխաները «թռցրել» են տատիկի դեղերն ու խմել դրանք

Գեղարքունիքի մարզի Վարդաձոր գյուղում երեխաներն անզգուշությամբ դեղեր են խմել: Yerkir.am-ին Մարտունի քաղաքի հիվանդանոցից տեղեկացրին, որ երեխաները շաքարային դիաբետով հիվանդների համար նախատեսված «Դիաբետոնի» հաբեր էին խմել:

«Երեխաները 4-5 տարեկան են, վիճակները ծանր չէ: Նրանք չեն հոսպիտալացվել, ամբուլատոր բուժում են ստացել»,- ասացին հիվանդանոցից:

Yerkir.am-ի տեղեկություններով` երեխաները մեկ ընտանիքից են` երկու եղբայր և մեկ քույր: Երեխաների տատիկը շաքարային դիաբետ ունի: Երեխաները «թռցրել» են տատիկի դեղերը, բարեբախտաբար, տուփի մեջ 1-2 հաբ էր մնացած եղել: Ծնողները նրանց հիվանդանոց  են տեղափոխել: Այժմ երեխաներն իրենց լավ են զգում, տանն են: