Պաշտոնատար անձի կողմից ուղղորդված տվել է իրականությանը չհամապատասխանող բացատրություն

Ապօրինի կերպով սառը զենք կրելու մեջ մեղադրվող Սերգեյ Թ.-ն հաղորդում է տվել այն մասին, որ ՀՀ ոստիկանության Աշտարակի բաժնի հատուկ ծառայություն իրականացնող պաշտոնատար անձի կողմից ուղղորդված տվել է իրականությանը չհամապատասխանող բացատրություն այն մասին, թե, իբր, 2015 թվականի մայիսի 18-ին իր վարած ավտոմեքենայի զննությամբ հայտնաբերված սառը զենք հանդիսացող դանակներն իրականում իրեն են պատկանում:

Սերգեյ Թ.-ի հաղորդման հիման վրա՝ հատուկ ծառայություն իրականացնող անձի կողմից պաշտոնեական լիազորություններն անցնելու դեպքի առթիվ ՀՀ քրեական օրենսգրքի 309-րդ հոդվածի 1-ին մասի հատկանիշներով հարուցվել է քրեական գործ:

Կատարվում է նախաքննություն: