Թուրքական կայքն արձագանքել է հօգուտ քրդական կուսակցության քվեարկելու` Հայ դատի հանձնախմբի կոչին

Թուրքական Haber7 կայքն անդրադարձել է Թուրքիայում արտահերթ խորհրդարանական ընտրություններին հոգուտ քրդամետ Ժողովուրդների դեմոկրատական կուսակցության քվեարկելու՝ Եվրոպայի Հայ դատի հանձնախմբի կոչին:

«Հայկական լոբբին կոչ է արել քվեարկել հօգուտ ԺԴԿ-ի, որն աջակցում է Քրդական բանվորական կուսակցությանը»,- գրել է կայքը՝ փորձելով հասկացնել, որ հայկական կողմը ևս անուղղակիորեն աջակցում է ՔԲԿ-ին, որը Թուրքիայում համարվում է ահաբեկչական:

Հիշեցնենք, որ Եվրոպայի Հայ Դատի հանձնախումբը կոչ է արել Եվրոպայում ապրող թուրքերին՝ նոյեմբերի 1-ին Թուրքիայի արտահերթ խորհրդարանական ընտրություններում քվեարկել քրդամետ Ժողովուրդների դեմոկրատական կուսակցության օգտին:

Եվրոպայի Հայ Դատի հանձնախումբը հունիսի 7-ի ընտրությունների ժամանակ ևս կոչ էր արել քվեարկել հօգուտ ԺԴԿ-ի: