Քարոզարշավ դեռ չենք իրականացնում . Լոռու մարզպետ

Լոռու մարզում սահմանադրական բարեփոխումների քարոզարշավ դեռ չի իրականացվում. Yerkir.am-ի հետ զրույցում հայտնեց Լոռու մարզպետ Արթուր Նալբանդյանը:

«Այս պահին չենք իրականացնում քարոզարշավ, սակայն, աշխատանքային խմբեր ենք ստեղծում, որպեսզի համայնքներում և կազմակերպություններում սահմանադրական բարեփոխումների քննարկումներ տեղի ունենան, և բնակչությանը իրազեկենք»,- նշեց մարզպետը` հավելելով, որ խոսքը կոնկրետ աշխատանքային խմբերի մասին է, որոնցում ընդգրկվելու են իրավաբաններ, դասախոսներ և այլ մասնագետներ:

Նալբանդյանի խոսքով`աշխատանքային խմբերը կսկսեն իրենց հանդիպումները բնակչության բոլոր խավերի հետ, որից հետո արդեն կարելի է ասել, որ քարոզարշավի մեկնարկը տրված է: