Սահմանադրության տեքստն ու ԱԺ-ի քվեարկության արդյունքներն արդեն ուղարկվել են Սերժ Սարգսյանին

Սահմանադրության տեքստն ու ԱԺ-ի քվեարկության արդյունքներն արդեն ուղարկվել են ՀՀ նախագահին: Այս մասին ՀՀԿ ԳՄ նիստից հետո լրագրողներին ասաց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը:

«Երբ որ նախագահը հրամանագիրը ստորագրի, կորոշի, թե երբ է լինելու հանրաքվեն»,- ասաց նա: 

Անդրադառնալով նոր Սահմանադրության քարոզարշավին ու շտաբերի ստեղծմանը` Շարմազանովն ասաց, որ այդ հարցը կքննարկվի օրը նշանակելուց հետո:

«Բնականաբար շտաբեր կձևավորվեն, բայց քարոզարշավը միայն ՀՀԿ-ի խնդիրը չէ... Գոնե խորհրդարանում «այո» ասողները շատ են: Կլինի լուրջ բացատրական աշխատանք: Կոչ եմ անում բոլորին իրականացնել բացառապես խորը բովանդակային պայքար»,- ասաց նա: