Վերամշակող գործարանները ֆինանսական խնդիրներ ունեն. վարչապետ

Այսօր լրագրողների հետ զրույցում ՀՀ վարչապետ Հովիկ Աբրահամյանն անդրադարձել է մի շարք տնտեսական խնդիրների, մասնավորապես խաղողի մթերման շուրջ առաջացած խնդրին:

«Այս հարցը լուծման պրոցեսում է, գործընթացն ընթանում է, մենք հետևում ենք: 2015թ-ին պատրաստի արտադրանքի իրացումը նվազել է, վերամշակող գործարանները ունեն ֆինանսական խնդիրներ, քանի որ իրացում չեն ունեցել: Այս տարի, ի ուրախություն բոլորիս, խաղողի բերքը մեծ ծավալներ է ունեցել, ու մենք կազմակերպված աշխատում ենք բոլոր վերամշակող կազմակերպությունների հետ: Դրանց թիվը մոտ 50 է, որպեսզի ընդունվի ամբողջ բերքը»,- ասաց վարչապետը:

Նշենք, որ նույն հարցը բարձրացվեց ԱԺ նիստում կառավարության հետ հարց ու պատասխանի ժամանակ: Գյուղնախարարը ինչպես միշտ տալիս էր նույն պատասխանը, որ բերքը առանց մթերման չի մնա: