Մեզ այլ բան չի մնում. Շուշան Պետրոսյան

 ՀՀԿ խմբակցության պատգամավոր Շուշան Պետրոսյանը Yerkir.am-ի հարցին, թե սահմանային այս վիճակում հայկական կողմի նախահարձակ կեցվա՞ծքն է արդյոք ճիշտ, թե՞ պաշտպանողականը, չցանկացավ պատասխանել:

«Ես այդ հարցին չեմ պատասխանի, որովհետև չեմ ուզում»,- ասաց ՀՀԿ-ականը:

Նրա կարծիքով` նախագահ Սերժ Սարգսյանը հիանալի ելույթ ունեցավ ՄԱԿ-ում: Պետրոսյանը նշեց նաև, որ ՀՀ ՊՆ առաջին տեղակալ Դավիթ Տոնոյանի այն դիտարկումը, թե Ադրբեջանի ապակառուցողական քաղաքականության շարունակությունը կարող է հանգեցնել նոր զինադադարի կնքման պայմանագրի, ևս ճիշտ է և տեղին: «Ներկայիս պայմանագիրն, իրոք, անժամկետ էր, բայց ո՞վ է ավելի ակտիվ փորձում խախտել այդ պայմանագիրը: Մեզ այլ բան չի մնում: Միայն պարտադրանքի ոճով պետք է լինի այդ ամենը: Մեր թշնամուն ճանաչելով` միայն պարտադրանքի ոճը պետք է գործի դնենք: Նրանք ստիպում են, որ հասնենք պարտադրանքի»,- ընդգծեց Պետրոսյանը: