Ասադն ասել է, թե երբ կհեռանա

Սիրիայի նախագահ Բաշար ալ Ասադը  հայտարարել է, որ  կհեռանա մի պարագայում` եթե վստահ լինի, որ  երկրի ճգնաժամը այդկերպ կլուծվի, հայտնում է SANA գործակալությունը: Միեւնույն ժամանակ նա ընդգծել է, որ Սիրիայում քաղաքական հարցերը բացառապես ներքին խնդիր են: Սիրիայի նախագահը համեմատել է երկրում գործող ահաբեկիչներին եւ արեւմտյան տերություններին` ասելով, որ նրանք ըստ էության նույն բանն են անում:

«Ահաբեկիչները մի կողմից, արեւմտյան երկրները մյուս կողմից  նույն բանն են անում: Նրանք հարձակվում են ահաբեկիչների վրա, բայց իրենք էլ ահաբեկչություն են անում իրենց քաղաքականությամբ` պատժամիջոցներ կիրառելով կամ աջակցելով այդ նույն ահաբեկիչներին»,- ասել է Ասադը: Սիրիայի նախագահի խոսքով եվրոպացիները մի ձեռքով կրակում են սիրիացիերի վրա, մյուսով նրանց ուտելիք տալիս: