Աշխարհում ամենաշատը ծխում եւ խմում են Եվրոպայում

Առողջապահության համաշխարհային կազմակերպության տվյալներով եվրոպական մայրցամաքը առաջատար է ծխախոտի եւ ալկոհոլի օգտագործման առումով, ինչի հետեւանքով  այսօրվա երիտասարդները կարող են չհասնել իրենց տատիկների եւ պապիկների տարիքին: Ուշագրավ է, որ ԱՀԿ-ն «եվրոպական մայցամաք» ձեւակերպման մեջ ընդգրկել է նաեւ Ռուսաստանը: Միեւնույն ժամանակ Ռուսաստանը եվրոպական մոյւս երկրների շարքում ծխողների թվով առաջինն է:

Ըստ զեկույցի, Եվրոպայի բնակչության 59 տոկոսը տառապում է ճարպակալումից: Տվյալների համաձայն` Եվրոպայի բնակչության մեկ երրորդը ծխում է. սա ամենաբարձր ցուցանիշն է մյուս տարածաշրջանների համեմատ: Եվրոպան առաջատար է նաեւ  ալկոհոլի սպառման առումով. մեկ շնչին տարեկան բաժին է հասնում 11 լիտր ալկոհոլ: