Ոսկու շուկայի անհայտ կորած աշխատակցուհու դեպքով քրգործ է հարուցվել՝ ինքնասպանության հասցնելու հատկանիշներով

Yerkir.am-ի տեղեկություններով՝ ՀՀ քննչական կոմիտեն այսօր քրեական գործ է հարուցել օգոստոսի 21-ից անհայտ կորած համարվող` Ոսկու շուկայիի աշխատակից Նելլի Հարությունյանի գործով: Այս տեղեկությունը մեզ հետ զրույցում հաստատեցին Քննչական կոմիտեից՝ նշելով, որ դեպքի կապակցությամբ նախապատրաստված նյութերը ոստիկանությունից ստացվել են այսօր: Քրեական գործը հարուցվել է ՀՀ ՔՕ 110-րդ հոդվածի հատկանիշներով (ինքնասպանության հասցնելը):

Հիշեցնենք, որ Հարությունյանի անհետանալու դեպքից անցել է արդեն 10 օր, և օրենքով նախատեսված կարգով պետք է  քրեական գործ հարուցվեր:

Ոսկու շուկայի աշխատակիցների խոսքով՝ անհետացման օրը Նելլի Հարությունյանի մոտ 10 հազար դոլար գումար է եղել: Մինչ այժմ նրա մասին որևէ տեղեկություն չկա: