Երևանի մանկապարտեզներում սննդային թունավորման մեկ դեպք անգամ չի արձանագրվել. Գ. Սողոմոնյան

Երևանի որևէ մանկապարտեզում սննդային թունավորման մեկ դեպք անգամ չի արձանագրվել: Այսօր լրագրողներին ասաց Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը:

Նա նշեց, որ սննդի հետ կապված իրենք խիստ վերահսկողություն են իրականացնում և անակնկալ բազում այցեր կազմակերպում: Ըստ Սողոմոնյանի` լինում են դեպքեր, երբ նույն օրը երկու անգամ են այցելում նույն մանկապարտեզը:

«Առաջին անգամ մենք կարողացանք բոլոր մանկապարտեզներին ապահովել սեղաններով` սննդի մշակման, խմորի պատրաստման և հացի կտրատման համար, ինչպես նաև հատուկ պահարաններով` չոր սնունդը պահելու համար: Սննդի անվտանգության ապահովման համար էլ մենք օդորակիչներ ենք տեղադրել մանկապարտեզներում, ինչպես նաև բաշխել սառնարաններ` ըստ երեխաների թվաքանակի»,- ասաց նա: