Տղա՛ ջան, քեզ կոռեկտ պահի. միջադեպ՝ Վենետիկի հանձնաժողովի անդամների հետ հանդիպման ժամանակ

Այսօր Վենետիկի հանձնաժողովի և Հայաստանի քաղաքական ու քաղաքացիական հասարակության ներկայացուցիչների հանդիպման ժամանակ վիճաբանություն սկսվեց ԲՀԿ խոսնակ Վահան Բաբայանի ու ՀԿ-ներից մեկի ներկայացուցչի միջև:

Վերջինս ասաց, որ իշխանությունների կողմից գործի դրված քաղաքական տեռորի արդյունքում ԲՀԿ-ն, որը դեմ էր սահմանադրական փոփոխություններին,  վերացավ` որպես կուսակցություն: Սա խիստ զայրացրեց ԲՀԿ խոսնակին, ով Վենետիկի հանձնաժողովի անդամների ներկայությամբ սկսեց վիճել ՀԿ ներկայացուցչի հետ: «Տղա\' ջան, քեզ կոռեկտ պահի և համեստ: Որ ԲՀԿ-ն վերացած լիներ, մենք այստեղ նստած չէինք լինի: Ով քեզ ուղարկել է, կգնաս, նրան կասես` մենք այստեղ նստած ենք, իսկ դուք` բոլորդ, ձեզ կոռեկտ ու համեստ պահեք»,- ասաց նա: