Հայտնի է դարձել Թուրքիայի ժամանակավոր կառավարության կազմը

Ըստ Demokrathaber-ի՝ օգոստոսի 24-ին նախագահ Ռեջեփ Թայիփ Էրդողանը վարչապետ Ահմեդ Դավութօղլուին կհանձնարարի ժամանակավոր կառավարություն ձևավորել:

Ըստ կայքի, կառավարությունը կներկայացնեն «Արդարություն և զարգացում» կուսակցությունից` 11, Ժողովրդա-հանրապետական կուսակցությունից՝ 6, «Ազգային շարժում» եւ Ժողովուրդների դեմոկրատական կուսակցությունից՝ 3-ական նախարարներ: Բացի այդ, կառավարության կազմում կլինի 12 անկախ նախարար:

Հիշեցնենք, որ Թուրքիայում խորհրդարանական ընտրությունները կայացել են հուլիսի 7-ին: Երկրի սահմանադրության համաձայն՝ 45 օրվա ընթացքում կառավարություն չձևավորելու դեպքում կանցկացվեն խորհրդարանական արտահերթ ընտրություններ: Կառավարություն կազմելու ժամկետը սպառվում է օգոստոսի 23-ին:

Ի դեպ, թուրքական Cagdasses կայքի փոխանցմամբ՝ «Ազգայնական շարժում» կուսակցությունն ու Ժողովրդա-հանրապետական կուսակցությունը հրաժարվել են կառավարությունում ներկայացված լինելուց: