Հայկական որբանոցի ոչնչացման դեմ պայքարողներին ծեծի են ենթարկել

Ծեծի են ենթարկել Թուզլայի հայկական որբանոցի մի քանի կամավորների. տեղեկացնում է Haberler-ը:

Տեղեկությունների համաձայն՝ երեկ կամավորների մի խումբ անցորդներից որբանոցի հասցեն է հարցրել, ինչից հետո նրանց կողմից ծեծի ենթարկվել: Որբանոցում ծեծկռտուքի ձայն լսած կամավորների մյուս խումբը շտապել է ձայների ուղղությամբ և ականատես եղել դեպքին:

Կամավորներից երեքը թեթև վնասվածքներ են ստացել: Նրանք Թուզլայի կենտրոնական ոստիկանատանը բողոքի հայց են ներկայացրել:

«Այսօր «Քամփ Արմեն»-ին տեր կանգնելու մեր պայքարի 100-րդ օրն է: Մենք շարունակելու ենք տեր կանգնել այս որբանոցին: Պատահական չէ, որ հարձակումը տեղի է ունեցել այդ օրը: Մոտավորապես 80 օր առաջ խոստացել էին որբանոցը վերադարձնել: Մենք հայտնել էինք, որ այդ խոստումը նախընտրական քարոզարշավի շրջանակներում է, և այսպիսով ևս մեկ անգամ ապացուցվեց, որ մենք ճիշտ ենք»,-ասել է որբանոցի համար պայքար մղող կամավորներից Սարին Քորքմազը: