Միասեռականներին վերաբերող կետը «դուրը չի եկել»

ԱԺ պատգամավոր Արագած Ախոյանը yerkir.am-ի հետ զրույցում ասաց, որ դեռ չի հասցրել ծանոթանալ սահմանադրական բարեփոխումների հրապարակված գլուխներին: Դիտարկմանը`մի՞թե իրեն չի հետաքրքրում` ինչ դրույթներ կան սահմանադրական բարեփոխումների հրապարակված գլուխներում, մանավանդ այն պարագայում, որ ինքն էլ դեմ է արտահայտվել բարեփոխումներին, Ախոյանը պատասխանեց, որ հասցրել է  մի թեթև ծանոթանալ միայն առաջին յոթ գլուխներին:

«Այստեղ ինձ դուր չեկավ միասեռ ամուսնությունները խրախուսող կետը: Թող Վենետիկի հանձնաժողովը, եվրոպացիները  չբերեն նման բաները մեր ավանդույթներով ապրող երկիր: Ուզում են Շարլի Էբդո սարքե՞ն ստեղ: Այդ կետը պետք է դուրս շպրտվի Սահմանդրությունից»,- ասաց Ախոյանը:

Վերջինս նշեց նաև, որ ժամանակ չի ունեցել ուսումնասիրել մյուս կետերը: