6 րոպե`պատգամավորների հարցերին պատասխանելու համար

 Կառավարության այսօրվա նիստում հավանության արժանացավ ԱԺ պատգամավորներ Վահրամ Բաղդասարյանի, Խոսրով Հարությունյանի և Արփինե Հովհաննիսյանի՝ «Ազգային ժողովի կանոնակարգ» օրենքում լրացումներ կատարելու մասին» օրենքի նախագիծը:

Սույն նախագիծը սահմանում է պատգամավորների հարցերին պատասխանելու և դրանց արձագանքելու ֆիքսված ժամանակ: Ըստ այդմ, հարցերին պատասխանելու համար տրամադրվում է 6-ական րոպե, իսկ արձագանքելու համար՝ մինչև 2-ական րոպե:  Հնչեցված հարցերին պատասխանելու և դրանց արձագանքելու համար որևէ ժամկետ մինչ այժմ սահմանված չէր:

Այս նախագիծը բխում է Ազգային ժողովի օրակարգի հագեցվածությունից ու ժամանակի առավել արդյունավետ կառավարման անհրաժեշտությունից: