Ռոնալդուն կղզի է նվիրել իր գործակալին

Մադրիդի «Ռեալի» հարձակվող Քրիշտիանու Ռոնալդուն իր գործակալ Ժորժե Մենդեշի հարսանիքին կղզի է նվիրել: Այս մասին գրել է lenta.ru-ն վկայակոչելով՝ Move Noticias-ին: Պարբերականի աղբյուրի հավաստմամբ՝ կղզին գտնվում է Հունաստանում: Այլ մանրամասներ չեն հաղորդում:

Նշենք, որ Հունաստանում ավելի քան մեկ տասնյակ կղզիներ են դրվել վաճառքի, որոնց գինը տատանվում է 3-ից 50 մլն եվրոյի սահմաններում:

Մենդեշի և Սանդրա Բարբոսայի հարսանյաց արարողությունը տեղի է ունեցել կիրակի՝ Պորտու քաղաքում:

Հարսանիքին ներկա են եղել «Ռեալի» նախագահ Ֆլորենտինո Պերեսն, ինչպես նաև «արքայական ակումբի» ֆուտբոլիստներ Պեպեն և Խամես Ռոդրիգեսը: Նշենք, որ Մենդեշը Պորտուգալիայի ամենահարուստ մարդկանցից է: