Աղջիկ երեխա է, ընտանիքի առաջնեկը. մահացած ծննդկանի բալիկը ծայրահեղ ծանր վիճակում է

Տեղեկացրել էինք, որ «Էրեբունի» բժշկական կենտրոնում 26-ամյա ծննդկան է մահացել:

Yerkir.am-ի հետ զրույցում «Էրեբունի» ԲԿ–ի մամուլի քարտուղար Շուշան Հունանյանը նշեց, որ երեխայի վիճակը նույնպես վատ է: «Աղջիկ երեխա է, առաջնեկն է եղել: Երեխայի վիճակը ծայրահեղ ծանր է: Երկուշաբթի, երբ ծննդկանն ընդունվել է մեզ մոտ, անմիջապես կեսարյան է արվել, բայց երեխայի վիճակը հենց այդ պահին էլ արդեն ծանր է եղել»,- ասաց նա:

Հիշեցնենք, որ «Շենգավիթ» ԲԿ-ի բուժական գծով գլխավոր տնօրենի տեղակալ Աշոտ Սիրունյանն էլ, իր հերթին, yerkir.am-ի հետ զրույցում նշել էր, որ ծննդկանը հաշվառված է եղել իրենց մոտ, նրա վիճակը չի եղել այնքան ծանր, ինչպես նկարագրում են «Էրեբունի» բուժկենտրոնում:

Հունանյանը, սակայն, ևս մեկ անգամ պնդեց, որ ծննդկանի վիճակն արդեն իսկ ծանր է եղել, երբ տեղափոխվել է իրենց մոտ: