Վրաստանի նախագահը կորցրած տարածքների հարցում կողմ է «մարտավարական համբերությանը»

Վրաստանի նախագահ Գեորգի Մարգելաշվիլին հայտարարել է, որ իր երկիրը երբեք չի ընդունի իր տարածքների անջատումը:

Վրաստանի առաջին հեռուստաալիքին տված հարցազրույցում  նա հայտարարել է, որ  «հարեւան երկրի կողմից վրացական հողերի օկուպացիային վերջ կտրվի միջազգային հանրության ճնշման ներքո»: «Մարտավարական համբերություն. դա այն հարմարավետ պլատֆորմն է, որ ավելացնում է մեր կողմնակիցների թիվը,  եւ հենց այդ համբերության, ոչ թե զենքի շնորհիվ մենք կհասնենք մեր քաղաքացիների իրավունքների վերականգնմանը»,- ասել է Մարգելաշվիլին:

«Մենք չենք հաշտվի մեր տարածքների կորստի հետ եւ անպայման կմիավորենք մեր երկիրը: Սա թեմա է, որ յուրաքանչյուրիս մեջ է ցավում»,- եզրափակել է Վրաստանի նախագահը: