Արդարադատության փոխնախարարի համար անակնկալ էր նախարարի հրաժարականը

Այսօր լրագրողները արդարադատության փոխնախարար Արսեն Մկրտչյանից հետաքրքրվեցին սահմանադրական փոփոխությունների արդեն հրապարակված տեքստի վերաբերյալ: Լրագրողների դիտարկմանը, որ արդեն իսկ հասարակության կողմից հնչում են բազմաթիվ դժգոհություններ այդ տեքստի վերաբերյալ, քանի որ ժողովրդի մասնակցության գործոնը հետին պլան է մղված, փոխնախարարը հստակ պատասխան չտվեց` ասելով, որ այն դրված է հանրային քննարկման, կարծիքները կամփոփվեն և կներկայացվեն աշխատանքային խմբին:

Հարցին` արդյո՞ք սահմանադրական բարեփոխումների պատճառով է արդարադատության նախարար Հովհաննես Մանուկյանը հրաժարական ներկայացրել, Մկրտչյանը պատասխանեց. «Ես տեղեկություններ չունեմ»:

Հարցին, թե ինչո՞ւ է այդ դեպքում Հովհաննես Մանուկյանը հրաժարական ներկայացրել, նա կրկին պատասխանեց. «Չունեմ տեղեկություն»:

Մկրտչյանը նաև խոստովանեց, որ իր համար անակնկալ է եղել նախարարի հրաժարականը: