Եվրոպա լիգա. Բուգուհիի վերջին վայրկյաններին խփած գոլը «Շիրակ»-ին դուրս բերեց հաջորդ փուլ

 Գյումրիի  «Շիրակ»-ը  Եվրոպա լիգայի մրցաշարի որակավորման առաջին փուլի պատասխան խաղում 2:1 հաշվով պարտվեց Բոսնիական «Զրինսկի»-ին, սակայն հաջորդ փուլի ուղեգիր նվաճեց, քանի որ մեկ շաբաթ առաջ սեփական հարկի տակ տեղի ունեցած խաղում Բիչախչյանի սաները 2 անպատասխան գնդակ էին ուղարկել բոսնիական թիմի դարպասը:

Պատասխան խաղում մրցակցի ֆուտբոլիստները միայն 80-րդ րոպեին կարողացան բացել հաշիվը, իսկ 5 րոպե անց կրկնապատկեցին իրենց առավելությունը: Թվում էր, թե հանդիպոիմն այդպես էլ կավարտվի և թիմերը դիմակայության հաղթողին կորոշեն լրացուցիչ 30 րոպեների ընթացքում, սակայն  ավելացված ժամանակի 6-րդ րոպեին Բուգուհին գրավելով մրցակցի դարպասը վերջակետ դրեց դիմակայությանը և «Շիրակ»-ին հաջորդ փուլի ուղեգիր պարգևեց: