Կարսում հնչած սպառնալիքներից հետո թուրք մտավորականները սատարել են հայտնել հայ պատգամավորներին

Վերջերս Կարսի ազգայնամոլ ղեկավարներից Թոլգա Ադըգյուզելը դժգոհություն էր հայտնել հայտնի երաժիշտ Տիգրան Համասյանի` Արևմտյան Հայաստանում ընթացող համերգաշարի առնչությամբ՝ սպառնալով «հայի որս սկսել Կարսում»:

Այս սպառնալիքից հետո Թուրքիայում դժգոհության ալիք էր բարձրացել: Այժմ էլ թուրք մտավորականներից բաղկացած մի խումբ «Անկարայի խոսքի ազատություն» նախաձեռնության անունից հայտարարություն է տարածել՝ դժգոհելով, որ նման հայտարարություններ անողները պատասխանատվության չեն ենթարկվում: «Այս անամոթ և ամենայն հանգստությամբ արված ռասիստական, ատելություն պարունակող հայտարարությունները անտեսվում են դատավորների և դատախազների կողմից»,- նշում են թուրք մտավորականները:

Հայտարարության տակ ստորագրել են մեծ թվով ակադեմիկոսներ, ակտիվիստներ և լրագրողներ: