Ցուցարարները քննարկում են իրենց հետագա քայլերը

Բաղրամյան պողոտայում գտնվող ցուցարարներն այս պահին քննարկում են իրենց հետագա քայլերը: Նրանք նշում են, որ իրենց հետագա անելիքների մասին պետք է հստակ տեղեկություն տարածվի համացանցում, որպեսզի տարբեր ուժերի կողմից ապատեղեկատվություն չտարածվի: Նրանք  նշում են, որ իրենց հայտարարությունը, որը պատրաստվում են տարածել համացանցում, «Ոչ թալանին» նախաձեռնության անունից չի լինելու, այլ պարզապես ցուցարարների անունից:

Բաղրամյան պողոտայում ներկա ցուցարարները նախատեսում են  որոշակի ժամանակահատվածում հստակ ձևակերպել իրենց պահանջներն ու հետագա անելիքները և այդ մասին հայտարարություն տարածել: Ցուցարարներից ոմանք էլ ներկաներին կոչ արեցին իրենց բարկամներին  հորդորել՝ միանալ իրենց, որպեսզի ցուցարարների թիվն ավելանա:

 Ցուցարարներից մեկը նշեց, որ իրենց հետագա անելիքների մասին հստակ տեղեկությունը կներկայացվի հրապարակային՝ լրատվամիջոցների ներկայությամբ: Նա ասաց նաև, որ այդ հայտարությանը կողմ պետք է լինեն ոչ թե մեկ-երկու հոգի, այլ ցույցի  բոլոր մասնակիցները:

Կազմակերպչական գործառույթները ստանձնած ցուցարարը նշեց նաև, որ իրենց նոր նախաձեռնության անունը  պետք է դնել «Ժողովուրդ»: