Վլադիմիր Գասպարյանը բացատրեց, թե ինչու էր երեկ հունից դուրս եկել

Ոստիկանապետ Վլադիմիր Գասպարյանը դարձյալ Բաղրամյան պողոտայում էր: Լրագրողները հետաքրքվեցին, թե ինչու էր երեկ բարկացած: «Իմ բարկության պատճառը Մաշտոցի պողոտան փակելն էր, զենքով` ցուցարարների մեջ լինելը, խմած մարդկանց ներկայությունը, տեղ-տեղ ագրեսիայի դրսեւորումները»,- ասաց ոստիկանապետը:

Նա նաեւ վստահեցրեց. «Քաղաքացուն մեզանից պաշտպանելու հարկ չկա»: Ապա եւս մեկ անգամ կրկնեց երեկվա խոսքերը, թե ոստիկանությունը փիլիսոփայորեն է մոտենում այս բողոքի ակցիային, բայց չի կարելի հանդուրժել, որ երիտասարդներին պղտորեն:

Պարզվում է՝ Գասպարյանը կողմնակից է, որ բոլոր լուծումները լինեն քաղաքակիրթ ձեւով, եւ ոստիկանությանը հերթ չհասնի: