Ինձնից լավը չլինեք, թող մի քիչ էլ ձեր ձայնը կտրվի. Գասպարյանը՝ ցուցարարին

«Սանիտեկ» ընկերության աղբատար մեքենաները դեռևս չեն եկել Բաղրամյան պողոտա՝ հավաքելու այնտեղ կուտակված աղբը:

«Ոչ թալանին» նախաձեռնության անդամ Մաքսիմ Սարգսյանը նշեց, որ ընկերության ներկայացուցիչները հրաժարվում են իրականացնել աղբահանություն: Ըստ նրա` ամբողջ քաղաքում արդեն իրականացվել է աղբահանություն, մինչդեռ Բաղրամյան պողոտայի այն հատվածում, որտեղ ցուցարարներն են, աղբահանություն դեռ չի կատարվել:

ՀՀ ոստիկանապետ Վլադիմիր Գասպարյանը մոտեցավ ցուցարարներին և, նախ դիմելով Մաքսիմ Սարգսյանին, ասաց. «Ինձնից լավը չլինեք, թող մի քիչ էլ ձեր ձայնը կտրվի»: Ապա նշեց՝ քանի որ նախորդ օրը ցուցարարների մի մասը բարձրացել է աղբատար մեքենաների վրա և ոչ վերահսկելի վիճակ փորձել ստեղծել, այդ իսկ պատճառով չեն թողնում, որ աղբահան մեքենաները մոտենան տարածքին:

Մաքսիմ Սարգսյանը նշեց, որ իրենք կերաշխավորեն անվտանգությունը, միայն թե մեքենաները աղբը հեռացնեն, որովհետև եթե իրենք ինքնուրույն փորձեն հեռացնել` լրացուցիչ անհարմարություններ կառաջանան: